oh yeah baby!

Jæja, Victoria Beckham varaðu þig því hér kemur LILJA!!! Jú mikið rétt, hann Marcos klippti mig aftur og núna enn meira al estilo Vic Beck...eins og hann segir að sé svo gaaasalega in í dag. Maður þorir nú varla annað en að fylgja tískunni svo jæja, ég skellti til.

Keypti mér líka ný gleraugu um daginn þannig að mín er bara voða fín. Þegar ég setti upp gleraugun í fyrsta skiptið sá ég svo allt í einu svona líka miklu betur svo það var greinilega kominn tími til :)

Annars erum við að byrja að hanna bar í skólanum. Við þurftum að mæla upp innganginn að skólanum og nokkrar skólastofur því það verður semsagt "plantan" af barnum. Þetta verk tók engan smá tíma því það þarf að mæla ALLT, semsagt frá einu horni í annað ( til að sjá hvort veggirnir séu í 90° ), alla dyrakamra, dyragöt, þykkt á veggjum o.s.frv. Ég er að spá í að láta minn bar heita "Bar Barbara!", ekki kúl? Ekki að nafnið skipti miklu máli en þessi setning ("Bar Barbara Ara araba bara rabarbara?") er búin að vekja mikla athygli og núna eru meðleigjendur mínir alla daga að reyna að bera þetta fram og reyna að muna.

Þýska gellan farin, og guð minn almáttugur hvað það er gott. Hún var gjörsamlega að gera mig brjálaða...og ekki bara mig. Í dag semsagt var síðasti dagurinn hennar hérna því samkvæmt henni erum við öll vond, kom semsagt ein af konunum sem eiga húsið til að fá lyklana og svona og endaði þetta allt saman með þessu líka svaka rifrilidi. Kom semsagt í ljós að þýska er búin að vera að hringja um NÆTUR í þessa konu til að kvarta undan okkur hinum og baktala. Hún er ótrúleg!!! Um leið og hún fór breyttist andrúmsloftið og núna getur maður slakað aðeins á.

Ekki meira að frétta í bili...þið mættuð vera aðeins duglegri að kommenta hérna vinir kæru :)

Kossar og peace out!