Er hann alveg galinn?? (aumingja smalinn )

Já, eitthvað hefur það virst erfitt að koma út öllu teinu sem ég á upp í skáp. Þetta er nú orðinn meiri hausverkurinn, ég er farin að drekka te í tíma og ótíma til að minnka skápapláss og ég er orðin afskaplega dugleg að bjóða te við öll tilefni ( sbr í dag við ítalina: "æ frábært, prentarinn ykkar er farinn að virka aftur...viljiði ekki te?? ). Jæja, en hvað um það.

Maður er farinn að taka eftir dauðum fuglum ( og ROTTUM oj bara! ) hist og her um borgina. Dauðaorsök: HITINN. Já, það lítur út fyrir það að dýrin hérna séu ekki að meika þennan hita svo þau gefa upp öndina vesalingarnir. Sjálfur er maður að kvarta, en maður hefur það í rauninni nokkuð gott því að minnsta kosti getur maður sett á loftkælinguna stundum...ég myndi nú alls ekki vilja vera lítill fugl í Valencia þennan mánuðinn ( eða kannski bara yfirhöfuð ).
Annars eru Barcelonabúar ekki svo heppnir því nú eru yfir 10.000 manns í þeim bænum búnir að vera rafmagnslausir í yfir 2 daga. Greyið gamla fólkið er ekkert yfirmáta sátt, skiljanlega!

Nú, og svo er mín bara að fara að koma heim á föstudaginn. Mikið er ég nú farin að hlakka til!
Á morgun skila ég semsagt inn öllum verkefnunum ( og byrja að krossa putta ) og svo er maður bara búinn með 1. árið í INNANHÚSSHÖNNUN. Frábært mál...ef maður nær öllu.
Er núna reyndar að glíma við nokkuð "mindboggling" teikningu sem við þurfum að skila inn, jú hún samanstendur af litlum kössum sem mynda göng og leikur á augað því þú sérð 2 víddir í einni. Ég er nú sem betur fer ekki sú eina, en ég mun líklega sitja yfir þessu í nótt. Jæja, get nú víst ekki kvartað mikið þar sem þetta fer aaaaalveg að taka enda.

Mér sýnist annars að mínir heittelskuðu kommentarar séu bara komnir í sumarfrí, djöfulsins letingjar. Allir nema hún Sigga heittelskaða sem fær 10 rokkstig fyir vikið! Híjá ykkur hin...þið megið alveg taka þetta til ykkar.

Jæja, farin að teikna göngin ómögulegu...
þeir sem vilja panta tíma með Lilju í ágúst endilega hafa samband í síma 6949880. Tímapantanir byrja klukkan 22.30 á föstudaginn.

Er hann alveg galinn?? ( aumingja smalinn )

Já, eitthvað hefur það virst erfitt að koma út öllu teinu sem ég á upp í skáp. Þetta er nú orðinn meiri hausverkurinn, ég er farin að drekka te í tíma og ótíma til að minnka skápapláss og ég er orðin afskaplega dugleg að bjóða te við öll tilefni ( sbr í dag við ítalina: "æ frábært, prentarinn ykkar er farinn að virka aftur...viljiði ekki te?? ). Jæja, en hvað um það.

Maður er farinn að taka eftir dauðum fuglum ( og ROTTUM oj bara! ) hist og her um borgina. Dauðaorsök: HITINN. Já, það lítur út fyrir það að dýrin hérna séu ekki að meika þennan hita svo þau gefa upp öndina vesalingarnir. Sjálfur er maður að kvarta, en maður hefur það í rauninni nokkuð gott því að minnsta kosti getur maður sett á loftkælinguna stundum...ég myndi nú alls ekki vilja vera lítill fugl í Valencia þennan mánuðinn ( eða kannski bara yfirhöfuð ).
Annars eru Barcelonabúar ekki svo heppnir því nú eru yfir 10.000 manns í þeim bænum búnir að vera rafmagnslausir í yfir 2 daga. Greyið gamla fólkið er ekkert yfirmáta sátt, skiljanlega!

Nú, og svo er mín bara að fara að koma heim á föstudaginn. Mikið er ég nú farin að hlakka til!
Á morgun skila ég semsagt inn öllum verkefnunum ( og byrja að krossa putta ) og svo er maður bara búinn með 1. árið í INNANHÚSSHÖNNUN. Frábært mál...ef maður nær öllu.
Er núna reyndar að glíma við nokkuð "mindboggling" teikningu sem við þurfum að skila inn, jú hún samanstendur af litlum kössum sem mynda göng og leikur á augað því þú sérð 2 víddir í einni. Ég er nú sem betur fer ekki sú eina, en ég mun líklega sitja yfir þessu í nótt. Jæja, get nú víst ekki kvartað mikið þar sem þetta fer aaaaalveg að taka enda.

Mér sýnist annars að mínir heittelskuðu kommentarar séu bara komnir í sumarfrí, djöfulsins letingjar. Allir nema hún Sigga heittelskaða sem fær 10 rokkstig fyir vikið! Híjá ykkur hin...þið megið alveg taka þetta til ykkar.

Jæja, farin að teikna göngin ómögulegu...
þeir sem vilja panta tíma með Lilju í ágúst endilega hafa samband í síma 6949880. Tímapantanir byrja klukkan 22.30 á föstudaginn.

Nú eru allir skápar farnir að fyllast...

hjá mér og af engu öðru en TEI. Ég skil sjálf ekkert í málinu en svo standa málin að fólk er farið að telja mig te-frík og núna fæ ég ekkert nema te frá vinum mínum.
Ekki spyrja mig annars...ég hef ekki hugmynd um af hverju. Hefði nú talið sjálfa mig síðasta af öllum til að vera einhver ægilegur te-aðdáandi.

Vil því að þessu tilefni endilega bjóða fólki í "te og með því" þegar það á næst leið um Valencia.

Er annars þreytt og í þokkabót komin með alveg ferlega sinaskeiðabólgu. Já þetta má maður þola fyrir að vera að teikna græna sófa og appelsínugul rúmteppi í tíma og ótíma, ekki fyndið sko.

Græni sófinn minn hann Gunnlaugur

Og þessi vildu sko alls ekki neitt te..

Salaam Bombay!!

Var að horfa á eina af mögnuðustu myndum sem ég hef séð; Salaam Bombay, sem ég mæli með að allir horfi á til að átta sig á bæði hvað við höfum það ofboðslega gott, og hversu rosaleg eymd er til í heiminum.

Myndin fjallar um ungan indverskan strák sem þarf að yfirgefa fjölskyldu sína og endar í Bombay. Þar vinnur hann við að sendast með te en býr á götunni. Söguþráðurinn er mjög einfaldur en afar áhrifaríkur og ég verð að viðurkenna að þessi mynd hafði mikil áhrif á mig.

Maður ætti ekki að vera með peningaáhyggjur því í raun og veru höfum við flest tækifæri sem hægt er að bjóðast í þessum heimi ( þó svo að ég vilji alls ekki gera lítið úr áhyggjum neinna, þaðanafsíður mínum ) en okkar vandamál virðast þó svo ótrúlega smávægileg í samanburði við milljónir af heimilislausum börnum sem búa í þessum heimi.
Heyrði í fréttunum um daginn að það er talið að þau séu um 5 milljónir!!!!!

Sumir vilja ekki hjálpa því þeir halda að það muni ekki breyta neinu í þessum heimi, en hvernig er hægt að segja að það breyti ekki neinu ef maður gefur litlu barni þó það væri ekki nema örlitla von.

Í ljósi þess að ég er einstaklega snortin af þessari mynd vil ég mynna fólk á www.abc.is og aðrar hjálparstofnanir ( það þarf ekki mikið til, ég borga t.d. ekki nema 950 kr á mánuði sem er í raun skömmustulega lítið ).

óson og Valencia

Hér er búið að vera hrikalega heitt undanfarið, svo heitt eiginlega að ég voga mér varla út úr húsi nema þörf sé. Í tímum situr maður svo í sínum eigin líkamsvökva ( svita ) og reynir að teygja sig í þann litla gust sem viftan gefur.
Göturnar eru litaðar af gulri mengun og ef maður er úti á háannatíma á stórri götu þá verkjar mann í nefið af öllum skítnum sem maður er að anda að sér.

Já, því miður getur maður ekki setið á ströndinni með pina colada þennan mánuðinn.

Annars var ég svo heppin að fá einhvers konar matareitrun um daginn, mig grunar að í einhverru stressi hafi ég ekki eldað kjúkling nógu vel og fékk mallakúturinn heldur betur að kenna á því. Um kvöldið gat ég varla staðið upprétt af verkjum og svo seinna byrjuðu herlegheitin. Held ég hafi þurft að æla u.þ.b. 10-15 sinnum þá nóttina...það var ekkert sérlega skemmtilegt.
Er enn að jafna mig á þessu ógeði, hef bara étið vatnsmelónu síðustu 2 daga og drekk kók inn á milli til að halda mér vakandi.
Litli vibbinn sem ég bý með sagðist hafa smitast af þessu frá mér og tók sér frí í vinnunni en sat svo og horfði á sjónvarpið og reykti hass allan daginn...ekki eðlilegt þetta lið.

Annars eru hassreykingar ótrúlega algengar hérna, og það er ekkert verið að fela það fyrir neinum. Fólk reykir hass út á götu eins og ekkert væri eðlilegra, en það er ekkert svo eðlilegt fyrir saklausa íslenska stelpu, ættaða úr Eyjafirðinum. Veit meira að segja að það viðgengst að þegar löggan gerir upptækt hass þá geyma þeir hluta af því fyrir sjálfa sig svo þeir eru hálf skakkir greyin líka stundum.

Já, þetta er undarlegt...eða það finnst mér allavegana.

Bæti hérna við tveimur myndum af verkefni sem ég gerði, hönnun af bar....sjáiði bara hvað míns er dugleg!

Sumarkvöld í Reykjavík

Jújú, mikið rétt...íslandsfríið reyndist vera stutt svo nú er maður kominn aftur í kæfandi hita.
Þurfti að gista fyrstu nóttina á hóteli í Alicante. Mér var svo heitt að það fyrsta sem ég gerði þegar ég kom inn var að fara úr buxunum svo ég var bara á naríunum...haldiði að kallinn í móttökunni hafi allt í einu ákveðið að ráðast inn á mig, sagðist vera að leita að einhverju.
Svo þegar ég tók leigubíl upp á lestarstöð þá lenti ég á einhverjum manni sem var svona líka ofboðslega hrifinn af sjávarilminum í Alicante og sagði mér að þefa. Fann bara svona skítugan saltfnyk einhvern, ekki svona góð sjólykt eins og heima.

Það var annars yndislegt heima, gott að geta dregið djúpt að sér andanum og fundið ferskt og hreint loftið fylla lungun ( já tók sérstaklega eftir þessu ). Fór í ferðalag með Adda upp á Snæfellsnesið og Húsafell, algjört æði!
Svo bara hitti maður vini og vandamenn og naut þess að vera laus úr sjúklegum hita en vera komin í hið eina og sanna íslenska sumar, borðaði góðan mat og knúsaði litlu frændsystkinin.

Í morgun vaknaði ég svo eins og vanalega í svitakófi með hárið og lakið blautt. Úff...